Освен што работи како водител на телевизија, Зоран Пејиќ Пеја често води и приватни прослави низ светот.
Тој гостуваше во емисијата „Ѕвездите на Гранд специјал“ каде откри дека познатата пејачка Лепа Брена го заработила најголемиот бакшиш досега на естрадата.
Сепак, нагласи дека тогаш тие пари ги поделила со сите. Пеја се присети на прославата што се одржала пред многу години во Париз и раскажа дека Брена тогаш подеднакво го делела сиот бакшиш со колегите.
„Лепа Брена настапуваше на една прослава во Париз, излезе да пее и за една песна доби 20.000 марки. Таа доби и огромна сума за самиот настап, што сега не можам да го кажам, а ова беше бакшиш за една песна. Потоа му ги однесе тие пари на Миќа Николиќ, ги стави во торбата за хармоника и сите ги поделивме на крајот“, изјави Пеја во емисијата „Ѕвезде Гранда Специјал“.
Но, водителот признава дека денес ситуацијата е поинаква и дека целиот бакшиш заработен на настапите ги земаат домаќините, со кои на крајот ја плаќаат музиката.
„Во денешно време, бакшишите ги земаат домаќините на забавата, а тоа ми изгледа малку чудно. Сестра ми седи и сака да се весели, вадам 500 евра и давам на музика и таа го прави истото. Таа дава на пример сто евра, а потоа брат ѝ ги зема сите 600 евра и ја исплати музиката -објасни тој.
