Славната музичка ѕвезда Лејди Гага на својот Инстаграм профил, објави дека донела одлука за самоизолација, во период кога ситуацијата со коронавирусот станува се полоша на светско ниво.
Гага објави фотографија со своите кучиња и напиша дека веќе разговарала со стручни лица, кои и дале препораки за тоа како да се однесува за време на смртоносниот вирус.
„На оваа тема разговарав со некои лекари и научници. Не е најлесно за секого во моментов, но најздравото нешто што можеме да го направиме сега е да се самоизолираме и да не се дружиме со луѓе над 65 години, како и да избегнуваме поголеми групи на луѓе“, пишува Гага под фотографијата.
„Би сакала да ги видам моите родители и баба и дедо во моментов, но многу е побезбедно за нив да не се гледаме, за да не ги разболам ако имам коронавирус. Јас се дружам дома со моите кучиња. Те сакам свету. Разговарав со Бога – рече дека ќе бидеме во ред. Верувајте ми”, заклучи славната пејачка на Инстаграм.
