Портретот на Атиџе, ѕвездата на документарниот филм „Медена земја“ кој беше на продажба како дел од роденденска хуманитарна аукција по повод 58 роденден на Муратова е откупен, а почетната цена му беше 10.000 денари.
– Ех Битола моја, секогаш си со мене! Сопственик на портретот на Атиџе Муратова изработен од уметникот Саше Милевски е анонимен купувач, кој географски е многу далеку, ама срцето и душата му се секогаш во Битола. Благодарност до сите кои и го честитавте роденденот на Атиџе, а најголемо БЛАГОДАРАМ за гестот на уметникот кој ја понуди сликата за да и го разубавиме роденденот на Атиџе – напиша популаната пејачка и водителка Сузана Турунџиева, инаку блиска пријателка на Атиџе.
Инаку, портретот е изработен во техника акрил на платно, и има димензии димензии 90х70.
