Популарната српска музичарка, а по професија архитект, Констракта – претставничка на Србија на Евровизија, ја отвори вратата на својот денешен приватен живот, кој, вели, се разликува од оној кога не беше толку позната.
„Моите деца се доволно возрасни за да разберат што се случува во моментов. Поради обврските кои не очекуваат во наредниот период, нашето секојдневие многу се промени, особено во слободното време. Ми се чини дека добро го поднесуваат и со нетрпение го очекуваат она што следува во Торино“, изјави српската претставничка на Евровизија, Констракта.
Таа истакна дека се консултирала и со сопругот.
„Секако дека треба да разговарам со сопругот и да разменувам мислења. Не секогаш се согласуваме за се, но кога ќе одобри нешто, тогаш сигурна сум дека тоа е смислена работа. Така испадна и овој пат“, изјави таа за „Глорија“.
Констракта вели и дека нејзините соседи ѝ даваат голема поддршка.
„Имам прекрасни комшии, маало во кое можеш да одиш на втор кат кај комшијата по ајвар или да ги оставиш децата на чување кај соседите во станот до тебе, или да ја префрлиш одговорноста на некој ако не си во тој момент во можност да ја извршиш, и така натаму. Им благодарам на комшиите за поддршката, се надевам дека ќе уживаат во нашиот настап во мај“, додаде таа.
Во интервјуто објаснува и дека нема да го менува настапот на Евровизија во Торино.
„Ние нема да го менуваме основниот концепт бидејќи се покажа како добар. Сè е внимателно осмислено и направено како што сакавме. Секако, ќе ја надградиме изведбата и ќе се обидеме да ја доближиме песната што е можно поблиску до луѓето кои не го разбираат нашиот јазик. Според реакциите кои секојдневно можеме да ги видиме на Интернет, ми се чини дека одиме во добра насока“, вели Констракта.
