Иако зачекори во петтата деценија, Јелена Розга сè уште важи за една од најнегуваните жени во регионот.
Пејачката неодамна ги откри своите мали, но скапоцени тајни кои ѝ помагаат да го одржи беспрекорниот изглед.
– Многу спијам, никогаш не консумирам алкохол. Не знам каков вкус има виното или кој било друг алкохолен пијалак. Главно пијам само вода, а пред неколку години ги исфрлив газираните пијалаци, првенствено поради срцето и тироидната жлезда. Редовно одам на масажи, лесни терапии и многу малку се шминкам – откри Розга.
Нејзиниот „порцелански“ тен ѝ стана заштитен знак, а избегнувањето на сонцето е уште еден доказ за тоа колку е свесна за штетните ефекти на УВ зраците врз кожата.
– Не излегувам на сонце. Порано беа изненадени што сум толку бела, а сум од Сплит. Сега се навикнаа, тоа јас сум, вели Јелена.
Кога зборуваме за нејзината убавина, не може да се игнорира нејзината витка фигура.
– Не тренирам, но сум многу активна и енергична, тоа многу ме „троши“. Веројатно е поради генетиката, како и класичниот балет со кој се занимавав пред да почнам да пеам во групата Магазин. Затоа можам да си дозволам по концертите да јадам бурек, да пијам јогурт и да спијам – изјави Розга.
