Од специфична исхрана до тоа кој со кого смее да разговара, британското кралско семејство има еден куп правила кои мора да се почитуваат кога е храната во прашање. Ова се некои од поинтересните.
1. На кралската вечера никогаш нема да се појават 13 гости – бројот на гости може да биде помал или поголем, но никогаш точно 13. Самата кралица не е суеверна, но ги почитува правилата на долгогодишната традиција.
2. Вечерата е строго формална работа – никој не се појавува на масата освен ако не е свечено облечен.
3. Кралицата однапред го одобрува менито и добива неделно мени испратено до неа за да ја одобри или одбие листата на јадења составена од кралскиот готвач.
4. Тестенини никогаш не се служат за вечера, истото важи и за компирите и оризот, а причината е многу едноставна – на кралицата не и се допаѓаат.
5. Има цел тим посветен на средување и поставување на масата – тие се нарекуваат Канцеларија на дворскиот маршал – и нивна задача е да го сместат секој гостин на официјалното место на масата.
6. Разговорите на масата се формални – кралицата разговара само со личноста од десната страна додека не пристигне вториот оброк, по што лицето од левата страна доаѓа на ред.
7. Кога кралицата ќе заврши со оброкот, сите се готови. Значи, кога Елизабета Втор ќе заврши со вечерата, сите останати престануваат да јадат, без разлика дали се гладни или не. Апсолутно е неприфатливо да се продолжи со јадење ако кралицата заврши со нејзиниот оброк.
8. Не смее да се станува од масата пред кралицата да заврши со јадење – исто како и претходното правило, нема да станете од масата без разлика дали јадете или не додека кралицата вечера.
9. Елизабета Втора сепак е за компромис за ова правило, па е позната по тоа што забавува со јадењето за да им даде време на другите да го завршат оброкот.
10. Постои точно одреден начин како се држи шолјата со чај. Кралското семејство треба да ја држи со нивниот показалец и палецот на самиот врв на рачката.
11. Кучињата на кралицата јадат само гурмански подготвена кучешка храна.
12. Сезонската храна е задолжителна. Поранешниот готвач на кралицата тврди дека може да се јадат јагоди секој ден, но само ако им е сезона.
13. Друго правило е дека храната од градината мора да пристигне на масата што е можно поскоро. Таа е органски одгледувана, со забелешка дека мора да одговара на сезоната.
14. Во палатата секогаш мора да има манго. Кралицата бара таа секогаш да го знае точниот број на манго во палатата во секое време од денот, тврдат извори од дворот.
