Од Белорусија беа лансирани проектили против украинскиот регион Чернихив, кој се наоѓа северозападно од Киев. Ова го соопшти украинската армија.
„Околу 5 часот наутро регионот Чернихив претрпе масовно бомбардирање. Дваесет проектили го гаѓаа селото Десна, лансирани од Белорусија (и исто така) од небото“, напиша на Фејсбук оперативната команда на украинските трупи, наведувајќи дека во моментот „нема жртви“.
Инаку, според совтникот на Зеленски 48 проектили од страна на Русија биле насочени кон цивилни цели во Украина во текот на ноќта.
„48 руски крстаречки ракети. Ноќе. Низ цела Украина. Исклучиво на цивилни цели. Русија сè уште се обидува да ја заплаши Украина, да предизвика паника и да ги натера луѓето да се плашат од чудовишните З. Украина знае сè и е подготвена на сè. И ќе казни за сето зло“, Михаило Подољак, советник на украинскиот претседател Володимир Зеленски, напиша на Твитер.
48 🇷🇺 cruise missiles. At night. Throughout whole Ukraine. Exclusively on civilian targets… Russia is still trying to intimidate Ukraine, cause panic and make people be afraid of Z-monsters… Ukraine knows everything and ready for anything. And it will punish for all the evil…
— Михайло Подоляк (@Podolyak_M) June 25, 2022
