Кетрин и Кирк меѓусебно многу се почитуваа, заедно доаѓаа на јавни случувања, a неретко објавуваа и заеднички фотографии. Таа на доделувањето на Златниот глобус 2018 му оддаде почит на својот свекор Кирк одржувајќи специјален говор за него.
Целиот Холивуд и филмската индустрија се простува од легендарниот Кирк Даглас, кој почина на 103 години. Тажната вест ја соопшти неговото семејство. Сопругата на Мајкл Даглас (75), актерката Кетрин Зита Џонс (50), јавно се прости од свекорот.
„Мој драг Кирк, ќе те сакам до крајот на животот. Веќе ми недостасуваш. Убаво спиј“, напиша Кетрин на социјалните мрежи покрај нивна заедничка фотографија.
Таа изјави дека двајцата имале убав однос и меѓусебно се почитувале. Заедно се имаат појавено на големи јавни настани, а неретко објавуваат и заеднички фотографии по социјалните мрежи.
Кетрин и оддаде почит на кариерата на Кирк Даглас на доделувањето на Златен глобус 2018 година, кога со него излезе на сцената…
„Мојот свекор, оваа жива холивудска легенда Кирк, во 1991 година беше препознаен од Здружението на писатели во Америка поради неговата улога во затворањето на „холивудската црна листа“, поради која на некои им беше ускратена работата во филмската индустрија“, изјави тогаш Кетрин. Кирк помогна да се укине црната листа на која се наоѓаат претставници од филмската индустрија кои се обвинети за поврзаност со комунизмот.
Дагалас тогаш се заврти скромно кон својата снаа и изјави:
– Се кажа. Би одржал говор, но не сакав се да кажам. Не можам да те следам, изјави легендарниот актер.
