Вчера Хари и Меган го прославија роденденот на нивната ќерка Лилибет, која наполни една година. Девојчето слави роденден за време на јубилејот на кралицата. За малечката, пристигна вистински туш од честитки од кралското семејство почнувајќи од Вилијам и Кејт Мидлтон, кралицата Елизабета и принцот Чарлс, сите ѝ посакаа најубави желби, но со многу слични пораки: „Среќен роденден на Лилибет која денес полни една година“.
Wishing Lilibet a very happy 1st birthday today! 🎂
— The Prince of Wales and The Duchess of Cornwall (@ClarenceHouse) June 4, 2022
Wishing a very happy birthday to Lilibet, turning one today! 🎈
— The Duke and Duchess of Cambridge (@KensingtonRoyal) June 4, 2022
Малата Лилибет е родена на 4 јуни 2021 година во болницата Санта Барбара Котиџ во Калифорнија и го носи историскиот прекар на кралицата Елизабета како свое име, нејзиното средно име е Дијана, во чест на принцезата, мајка на Хари и Вилијам, која почина во трагична несреќа во 1997 година во Париз.
Дејли мејл објави дека војводите од Сасекс организирале мала забава во Фрогмор Котиџ за првиот роденден на нивната ќерка вчера попладне.
Хари и Меган се вратија во Лондон за јубилејот, а кралицата за прв пат се сретна со својата правнука, на приватна средба во Виндзор. Дури и кралицата била присутна на роденденската забава, но на забавата не дошле Вилијам и Кејт. Но нивното отстуство било оправдано – затоа што војводите од Кембриџ во саботата беа очекувани во замокот Кардиф во Велс во официјална посета закажана поради кралските обврски поврзани со платинестиот јубилеј на англиската кралица.
