Вчера се одржа комеморацијата за трагично загинатите Коби Брајант и Џиана Брајант во „Стејпл Центарот“ во Лос Анџелес.
На комеморацијата зборуваше легендата на НБА и голем пријател на Коби Брајант, Мајкл Џордан, кој со солзи во очите раскажуваше за неговиот, како што кажа – помал брат.
Меѓутоа најемотивен момент беше кога на говорницата се појави Ванеса Брајант, сопругата на Коби и мајката на Џиана.
Ванеса прво зборуваше за Џиана.
– Во неколку наврати, кога бев апсолутно преморена зашто бев будна со Бјанка и Капри, мислев дека заминала на училиште без да се збогуваме. Ќе ѝ пратев СМС: „Нема бакнеж?“ Џиана ќе ми вратеше: „Мама, те бакнав, но ти спиеше и не сакав да те будам.“ Таа знаеше колку ми значат вечерните и утринските бакнежи – кажа Ванеса за Џиана.
– Со Коби бевме заедно од времето кога имав 17 и пол години. Јас му бев прва девојка, негова прва љубов, негова сопруга, негова најдобра пријателка и негов заштитник. Тој беше најневеројатен сопруг. Коби ме сакаше повеќе одошто можам да опишам со зборови. Тој беше ранобуден, јас бев ноќна птица. Јас бев оган, а тој беше мраз, а понекогаш и обратно. Се балансиравме. Тој ќе направеше сè за мене…
Погледнете го целиот нејзин говор:
