Целата забавна индустрија, како и многубројните верни гледачи кои со години ја следат работата на кралот на забавата, Саша Поповиќ, тагуваат за неговата трагична загуба. Почина креаторот и креативен директор на Гранд продукција, по речиси едногодишна борба со ракот.
Во оваа прилика за српските медиуми се огласи и Јелена Карлеуша.
– Првично, не знам… Ете… Многу тежок период за сите нас, несреќата никогаш не доаѓа сама, кога сѐ ќе тргне наопаку, се случува најлошото од најлошото. Изгубивме човек кој беше почеток и крај на една ера. Многу ми е жал, синоќа кога ја добив таа вест, се случи пред мојот настап, плачев, сè се спои, па тоа беше последната капка… Кога станува збор за Саша, никогаш нема да заборавам кој ми подаде рака кога ми беше тешко, почна Јелена во солзи, а потоа продолжи:
– Малку сум уморна… Последниот пат кога го видов во декември, веќе беше многу лош, се видов со него и Сузана… Ние пред тоа не разговаравме, откако го напуштив шоуто „Ѕвезде Гранда“, но кога се работи за вакви ситуации, караниците не се важни, се сеќаваш само на доброто… Така, му пријдов и му подадов рака, тој се воодушеви кога ме виде, разговаравме, не е важно каде се сретнавме, ми рече: „Јецо, дали навистина мислеше дека ќе умрам без да те видам“, рече на шега, му реков дека нема да умре, дека ќе живее долго и дека уште долго ќе се караме, а тој ми кажа дека никогаш повеќе нема да се скараме. Она што можам да го кажам е дека… Ми јавија дека погребот ќе биде во четврток, ќе дојдам, на последното збогување и помен, да ја видам Сузана, ѝ пратив порака дека сум тука за сѐ што ѝ треба. Се разбира, кога мене ми умре Дивна, првите луѓе кои влегоа кај мене беа Сузана и Саша.
