Членовите на кралските семејства живеат во замоци, опкружени со луксуз и изобилство. Но, имаат и протоколарни обврски кои им одземаат многу време, па затоа и ним им треба одмор, како и на сите други луѓе. За разлика од „обичните“ граѓани, тие летуваат на посебни, ексклузивни локации.
Холандско кралско семејство
Секоја година холандското кралско семејство се релаксира во Грција. Од 2012 година, кралот Вилем-Александар (54) и кралицата Максима (50) се горди сопственици на вила вредна 4,5 милиони во Грција, поточно на полуостровот Пелопонез на југот на континентална Грција. Во мирното село Доруфи, кралското семејство навистина може да се опушти со ќерките Амалија (18), Алексија (17) и Аријана (15).
View this post on Instagram
Кралски „летниковец“
Британската кралица Елизабета Втора ги поминува август и септември во семејниот „летниковец“ во Шкотска. Станува збор за замокот Балморал во Ројал Дисајд во Абердиншир, кој е изграден во средината на 19 век за кралицата Викторија. Имотот опфаќа 20 илјади хектари најразновидна вегетација, езеро и шуми и е составен дел од природниот резерват.
View this post on Instagram
Лето на север
Членовите на шведското кралско семејство летуваат во Скандинавија и на социјалните мрежи покажаа колку е убаво на север во лето.
Принцот Карл Филип и принцезата Софија на својот официјален инстаграм-профил објавија семејна фотографија со своите деца.
-Нашето семејство на сите ви посакува прекрасно лето, напишаа во описот на новата семејна фотографија на која кралскиот пар позира со трите сина, принцот Габриел, принцот Јулијан и принцот Александар, на цветна ливада.
View this post on Instagram
Вила со поглед на море
Шпанскиот крал Фелипе и кралицата Летиција традиционално секоја година со своите ќерки ја посетуваат палатата Маривент во Палма де Мајорка. На најголемиот шпански остров во Средоземното Море, семејството ужива во класичните летни активности, а кралот особено сака едрење. Минатата година беше виден како управува со бродот „Аифос“ на шпанската морнарица.
Вински регион
За разлика од многу кралски семејства кои летуваат на територијата на сопствената земја, данската кралица Маргарета Втора и другите членови на семејството обично се упатуваат во нивниот замок во Југозападна Франција. Chateau de Cayx се наоѓа во познат вински регион, а кралицата се шета по локалните пазари без преголемо обезбедување. Принцезата Марија, пак, понекогаш знае да ја избере сончевата Мајорка за својот летен одмор.
View this post on Instagram
Медитеран
Кралот Абдула и кралицата Ранија од Јордан немаат постојана летна резиденција. Со своите четири деца најчесто на приватна јахта ги посетуваат медитеранските земји како Италија и Франција, а особено ја сакаат Сардинија. Јахтата е опремена со сите потребни детали, вклучувајќи џакузи, теретана, а може да прими 30 патници и исто толку персонал.
View this post on Instagram
