Пејачката Јелена Томашевиќ неодамна доби свој мурал во Шпанија, чест што ретко кој уметник од регионот може да се пофали. Таа со гордост ја сподели оваа вест на својот профил на Инстаграм.
Нејзината позната песна „Оро“, со која ја претставуваше Србија на Евровизија 2008 година, е препеана на неколку странски јазици – меѓу нив шпански, португалски и грчки. Восхитена од нејзината музика и убавината на стиховите, една шпанска уметница решила дел од текстот на песната да го наслика на ѕид во форма на мурал.
„Дали знаевте дека песната ’Оро‘ беше препеана на шпански, португалски и грчки јазик во рамките на евровизиската промоција во 2008 година? Благодарам, Луис, за овој прекрасен мурал! Како ви звучи „Adios amor“ на шпански?“ – напиша Јелена во описот на својата објава, додавајќи фотографија од делото.
View this post on Instagram
Неверојатна чест за пејачката
Со овој гест, Јелена уште еднаш доби признание за својата интернационална уметничка вредност и талент кој ја надминува границата на Балканот.
Семејството ѝ е најголема поддршка
Да потсетиме, Јелена и нејзиниот сопруг, актерот Иван Босилчиќ, неодамна зборуваа за воспитувањето на нивната ќерка Нина.
„Нина е најубавиот благослов што ни се случил – таа е најсветлиот дел од нашите животи. Она што, покрај детето, ја умножува љубовта се искреноста во односот, квалитетните разговори, поддршката и потпирањето еден на друг во тешките животни моменти“ изјави Јелена.
Иван додаде дека им е исклучително важна помошта на семејството:
„Имаме и трета личност од доверба на која можеме да ѝ се обратиме за совет и помош кога е потребно. Нашите мајки ни значат неизмерно во одгледувањето на детето. Исто така, нашите кумови се наши најблиски пријатели веќе со децении, така што секогаш имаме на кого да се потпреме и со кого да го делиме животот.“
