Познатиот актер малку експериментираше со фризурата на ќерка си…
Семејството Вилис ги поминува деновите заедно во изолација, и покрај тоа што Деми Мур и Брус Вилис се разведени повеќе од една деценија. Тие одлучија карантинот да го поминат заедно со своите три ќерки и изгледа дека воопшто не им е здодевно.
Ќерката на Брус Вилис – Талула (26) објави видео од изолацијата на својот Инстаграм профил, на кое се гледа како нејзиниот татко со машинка за стрижење и ја истрижа косата.
Во стрижењето помага и нејзината постара сестра Румер (31).
Драматичната промена на фризурата на својата сестра, Румер Вилис ја објави со слики, на кои Талула стои пред шумата, со коментар „ја истрижавме оваа нагетс глава денес“.
Зошто одлучила волку радикално да го промени својот имиџ не знаеме, но можеме да претпоставиме дека изолацијата и досадата полека, но сигурно го наплаќаат својот данок.
