24-годишниот рапер Остин Ричард Пост, попознат како Пост Малоун, ги загрижи своите фанови со чудното однесување на последниот во низата концерти, кој го одржал во петокот.
Фановите го снимале Малоун во текот на последните концерти од неговата турнеја „Runaway” и ги споделиле снимките на социјалните мрежи. Музичарот се тетеравел на сцената со збунет израз на лицето, а на еден од настапите паднал на подот и не успеал да стане, по што останал долу на „сите четири”.
Guys please, Post Malone has been acting "weird" on stage since a few weeks. I’m not trying to assume anything, but he looks like he’s under drugs. So please, SPREAD THIS VIDEO. We lost too many artists over overdoses. I hope he’s gonna be okay. ? pic.twitter.com/NVGfewokn4
— IGO Predicts (@2020thoughts_) March 6, 2020
„Пост Малоун се однесува чудно на сцената веќе неколку недели”, „Не се обидувам ништо да претпоставам, но тој изгледа како да е под дејство на наркотици”, „Изгубивме премногу уметници поради предозирање, се надевам ќе биде во ред”, пишувале загрижените фанови на социјалните мрежи.
Откако интернетот го преплавиле коментари дека однесувањето на раперот е последица на користење дрога, се огласил и тој самиот:
„Не се дрогирам, се чувствувам подобро отколку било кога во животот”, кратко кажал Пост Малоун на еден настап.
Малоун никогаш не ја криел својата страст кон марихуаната – кон почетокот на летото минатата година започна и свој бизнис со продажба на производи со споменатиот опијат.
Меѓутоа, кон почетокот на март оваа година раперот изјави за магазинот „GQ” дека повеќе нема проблем со користење марихуана како и дека моментално не консумира ништо посилно од алкохол.
