Вчеравечер се случи првото полуфинале на музичкиот настан Евровизија, 17 песни, кои претставуваат исто толку земји, се натпреваруваат да освојат едно од 10-те места за влез во големото финале кое ќе се случува во сабота.
Швајцарија, Ерменија, Исланд, Литванија, Португалија, Норвешка, Грција, Украина, Молдавија, Холандија, претставниците на овие земји одат понатаму во натрпеварувањето, додека претставниците на Албанија, Летонија, Словенија, Бугарија, Хрватска, Данска и Австрија не се пласираа во финалната вечер.
Изборот за песна на Евровизија, кој се враќа во Италија по 31 година, има одличен почеток, барем што се однесува до социјалните мрежи и конкретно до официјалните хаштази поврзани со настанот.
Во приближно два часа директен пренос од Пала Олимпико во Торино, во кој беа објавени најдобрите 10 финалисти, цела вечер беа во тренд хаштагот #Eurovision и #ESCita. Хаштагот #Eurovision дефинитивно ги надмина веќе одличните бројки од првото полуфинале минатата година, со преку половина милион твитови произведени од корисниците на интернет за целото времетраење на настанот (повеќе од 560.000 во 23:15 часот и речиси 600.000 во 23:30 часот), за разлика од 400.000 од првото полуфинале во 2021 година.
