Откако минатата недела српскиот актер Сергеј Трифуновиќ повика полиција и ја обвини сопругата Исидора Мијановиќ за насилство, таа беше приведена и осудена на парична казна.
Исидора е осудена според Законот за странци на парична казна за нелегален престој во Србија, па ја платила казната. Инаку, Исидора е државјанка на Хрватска.
– Исидора е осудена на парична казна во износ од 20.000 динари која веднаш ја платила. Не верувам дека ќе ја напушти државата, нивниот однос е таков, денес се добри, утре не се. Сепак, се сакаат – изјавил извор за српски „Телеграф“.
Инаку, според Законот 27 за странци за непријавување на живеалиште предвидена е казна од 10.000 – 50.000 динари.
Како што се наведува, актерот на секој начин се обидува да го реши проблемот со сопругата, а исто така нема мир од повиците на пријателите, јавуваат српските медиуми.
Неговите соседи за „Блиц“ откриле дека Сергеј постојано го гледале заедно со Исидора и дека ништо на навестувало дека ќе дојде до тоа тој да ја пријави во полиција.
– Ми изгледаа како хармоничен пар, постојано беа заедно, го шетаа неговото куче. Што се случило, само тие знаат – раскажал неговиот сосед, додека друг сосед среде ноќ го видел актерот на тераса.
– Го видов Сергеј на тераса, шеташе, таму помина половина ноќ. Тој излегува надвор само рано наутро и доцна навечер кога нема никој… И нему не му е сеедно, сигурно се покајал што ја пријавил. Најлошо е кога човек ќе направи нешто набрзина, а сега нема враќање назад. Ќе видиме што ќе биде понатаму – изјавила сосетката за „Блиц“.
Да потсетиме, Сергеј пред неколку дена сподели фотомонтажа со ликот на Исидора на која ја гледаме како му удира шлаканици.
