Започнавме убава соработка со една врвна готвачка која секое јадење го претвара во магија од вкусови – Теодора Георгиевска.
Оваа извонредна мајсторка и една од највлијателните готвачки на социјалните мрежи кај нас, стои зад бројните рецепти кои ги објавува на профилот „Готвиме со Теа“ – „gotvime.so.tea“.
Денес Теа со сите вас споделува одлична идеја за здрав ручек.
– Секогаш кога сакам брз и здрав ручек со многу зеленчук го правам ова превкусно пилешко на кинески начин – ни рече Теа и додава дека многу брзо и лесно се подготвува.
Потребни состојки:
400 гр. пилешко филе1 кромид1 тиквичка2 моркови1 пиперка1 модар доматмасло за јадењесол и биберсоја сосворчестер соссусам
Начин на подготовка:
Пилешкото филе исецкајте го на поголеми коцки и ставете го да се пржи во вог или подлабока нелеплива тава. Додека се пржи пилешкото исецкајте ги морковите, тиквичката и кромодот на ленти, модриот домат на коцки и пиперката на кругчиња. Во пилешкото прво додадете ги морковите и пржете ги 1-2 минути, па додадете ги тиквичката и кромидот. Пржете уште 1-2 минути и потоа додадете ги пиперката и модриот домат. Додадете по 1 лажица од соја сосот и ворчестер сосот, посолете, наросете мелен црн бибер и убаво измешајте.
Сервирајте го во чинија и уживајте!
На здравје!
