На 2 април со почеток во 11.30 часот во „Цреша бар“ ќе се прославува Денот на шегата, но на поинаков и позабавен начин – во друштво со вашите маскирани домашни миленици.
Граѓанската иницијатива „Кане Корзо Надеж“ ве поканува на незаборавна „Второаприлска забава“ под маски со вашите миленици.
– Ќе се забавуваме во одлична атмосфера со хорот на Пионерски дом „Карпош“ и ќе можеме да си купиме рачни изработки, а средствата ќе бидат искористени за бездомните животни – велат од „Кане Корзо“.
Хуманитарниот настан ќе се одржи на 2 април со почеток во 11.30 часот во „Цреша бар“.
Посетителите ќе можат да купат маици кои се дизајн на Теано Кардула и Димитар Цакар, а платнените торби се дело на Сара Стефкова. На настанот ќе има и ветеринар што ќе им дава совети на сопствениците, а изборот за најубава маска ќе го води познатата македонска актерка Зорица Панчиќ.
Фото – приватна архива
