Граѓаните на Хрватска избрираа нов состав на парламентот.
Старлетата и поранешна учесничка во реални шоуа Ава Карабатиќ се кандидираше за парламентарните избори во Хрватска, а според последните резултати освоила повеќе гласови од министерката за култура Нина Обуљен Коржинек.
Граѓаните го избираа новиот состав на парламентот, а како што пишуваат хрватските медиуми, Карабатиќ добила 464 гласа, а министерката за култура 364 гласа.
Ава ја претставила својата програма, па нагласила дека ќе се бори за легализација на проституцијата и марихуаната, воведување сексуално образование во училиштата, но и хемиска кастрација на силувачите на малолетни деца и на педофилите.
Ава, инаку, резултатите од изборите ги следела во Загреб.
– Да сме живи и здрави – изјавила Ава за хрватските медиуми, пренесува „24сата.хр“.
– Не сум разочарана, во ниту еден момент не се продадов или купив. Верувам дека работите сè уште можат да се променат, надежта последна умира – рекла Карабатиќ.
– Минатата година во ова време бев дома во алкохолизирана состојба. Ова е голем успех за мене и мојот мал тим од големи луѓе, би рекол Масимо – нагласила таа и им честитала на сите за резултатите.
Да потсетиме, Ава неодамна се кандидираше за парламентарни избори во Хрватска, а потоа доживеа многу непријатна ситуација.
Ава се огласи на социјалните мрежи тврдејќи дека некој ѝ подметнал видео за возрасни пред изборите и дека тоа не е таа, туку само девојка која личи на неа.
