Популарната холивудска дива, Рис Витерспун, го прослави својот 43. роденден во кругот на најблиските, објавувајќи фотографија на социјалната мрежа Инстаграм.
Витерспун зад себе има успешна кариера, како и еден освоен Оскар, а нејзиниот изглед на 43 години и натаму мами воздишки кај посилниот пол.
– Мислам дека во четириесеттите години сфаќате дека немате време за луѓето што го извлекуваат најлошото од вас или го намалуваат тоа што сте. До ова сознание доаѓаме со годините – и ова е убавата страна на стареењето. Навистина обожавам да стареам! Имам поинакви ставови, сè ми е многу појасно, подобро сум насочена кон моите планови, знам зошто правам нешто, помалку импровизирам – рече во еедна прилика неодоливата Рис.
Рис Витерспун има сопствена продуцентска компанија под назив „Type A Films“, а актерката е активно вклучена во повеќе здруженија во борбата за правата на децата и жените.
