Пејачката Дара Бубамара бурно реагираше во последното издание на музичкото шоу „Ѕвездите на Гранд“, по што демонстративно го напушти студиото и своето место во жирито.
Инцидентот се случи откако завршија настапите на кандидатот на Дара и кандидатот на Светлана Цеца Ражнатовиќ, по што следуваа гласањето и коментарите од жирито. Иако дел од членовите сметаа дека настапот на кандидатот на Цеца не бил на највисоко ниво, тој сепак доби повеќе гласови, што ја налути Бубамара.
„Фолирање, верувај ми. Лично е. Момчето пееше одлично. Не му дадоа гласови поради тебе, Цеца, за ти да испаднеш победник. Зборуваа дека твојот кандидат бил лош, па еве што се случи. Ќао, одам дома“, изјави видно вознемирена Дара, по што ги собра своите работи и ја напушти сцената.
По нејзиното заминување реагираше и Цеца, која истакна дека однесувањето на колешката не било коректно.
„Дара си замина без да ја слушне мојата реплика, што не е колегијално и не е фер, ниту кон мојот кандидат. Овде не се гласа за менторот, туку за пејачот. Мојот кандидат е исклучително талентиран, тоа не сум го создала јас, туку Бог и мајката што го родила. Му честитам и на другиот кандидат и му посакувам среќа во баражот“, изјави Цеца.
