Српскиот рок-музичар и член на жирито на српското шоу „Ѕвездите на Гранд“, Ѓорѓе Давид, учествуваше во синоќешната сообраќајна несреќа на граничниот премин Куманово – Табановце во која загина 49-годишна жена од Куманово.
Ѓорѓе потврди дека учествувал во несреќата и ги откри деталите како се случила.
– Точно е, се случи несреќа синоќа на 3 километри од македонската граница. Наводно, девојка и нејзиниот сопатник излегувајќи од своето место влегле на автопатот во спротивната насока. Возејќи во спротивна насока, девојката налетала на автомобил и директно се судрила со него. Во таа прилика тешко е повреден возачот на автомобилот во кој таа удрила, тој сега се бори за живот, додека неговиот сопатник е полесно повреден. Девојката која го возела автомобилот и удрила во нивниот автомобил е полесно повредена. Меѓутоа, нејзиниот сопатник не – раскажал Ѓорѓе за „Гранд“ и продолжил:
– По несреќата тие останаа на автопатот, едниот е на левата лента, другиот на десната и минута ипол потоа јас налетав со брзина пропишана со обележаното на автопатот и директно удрив во нив. Со мојот автомобил удрив сопатник кој шеташе по автопатот. Беше магла, ги вклучив долгите светла и тоа беше секунда. Јас налетав на таа личност која се шеташе по патот. Од силината на ударот скренав од автопатот и застанав во некои грмушки. Среќа што имав силен автомобил, инаку не знам што ќе се случеше со мене – објаснил музичарот.
Ѓорѓе истакнал дека полицијата брзо дошла да изврши увид, како и дека врз него биле извршени сите прегледи за да се утврди дали бил во алкохолизирана состојба.
– Бев сам во автомобилот. Ми земаа урина, крв да видат дали имам супстанции, алкохол. Се разбира, немав, веднаш го открија тоа. Потоа ме однесоа кај јавен обвинител, кој истакна дека во овој случај немам никаква вина. Виновникот наводно е девојката која возела и која наводно била во автомобилот со нејзината мајка, која и настрада – рекол Ѓорѓе и додал дека засега останува во Македонија за да ја испочитува процедурата во вакви случаи.
– Морам да бидам тука. Ме чека уште една изјава и како што ми рекоа од обвинителството, нема да бидам во притвор, бидејќи не сносувам вина – рекол Ѓорѓе и додал дека сè уште не може да дојде при себе.
– Синоќа имав блага скршеница, сега се смири. Никогаш во животот не сум згазнал куче, а камоли ова. Сè уште сум во благ шок, тоа е пекол – рекол рокерот и ја открил својата состојба.
– Имам два конци на левата рака поради исекотини. Му благодарам на Бог што имав силен автомобил, бидејќи да немав, којзнае што ќе се случеше – заклучил Ѓорѓе Ѓавид за „Гранд“.
