Во срцето на главниот град се одржува традиционалната манифестација „Денови на медот“. Граѓаните како вредни пчели брзаат „од цвет на цвет“ (од тезга на тезга) во потрага по најубавата тегла мед или парче саќе.
Манифестацијата се одржува на улица Македонија во центарот на Скопје, а учествуваат пчелари од цела земја, а оваа традиција опстојува 17 години, во организација на пчеларското здружение „Матица“.
Дегустирање, совети, препораки и секако богат избор на пчелини производи се само дел од понудата во која може да уживаат посетителите на манифестацијата.
Покрај прехрамбени производи, проиводителите на пчелини производи нудат и богат избор на природна козметика, природни лекови, матичен млеч со бројни лековити својства како и интересни уметнички дека создадени од пчелин восок.
Во земјава има околу 6.000 пчелари со околу 230.000 пчелни семејства. Најголемиот број пчелари се занимаваат со пчеларство од хоби, а само 10 до 15 отсто се занимаваат профсионално со оваа професија.
