На Антонела Рокуцо ѝ се допаѓа новиот хит на Колумбијката во кој таа го исмејува Шпанецот.
Поранешниот дефанзивец на Барселона, Жерар Пике, и колумбијската пејачка Шакира продолжуваат отворено да се препираат.
Парот не ја крие омразата која ја „истураат“ на социјалните мрежи откако раскинаа.
Веќе е познато, популарната пејачка објави нова песна во која жестоко го „боцка“ шпанскиот фудбалер.
Интересно е што на објавата на Инстаграм реагирала сопругата на Лионел Меси, Антонела Рокуцо.
Таа во коментарите остави пет „емоџи“ во форма на оган што јасно стави до знаење дека ѝ се допаѓа песната на Шакира и дека отворено ја поддржува.
Потсетуваме дека Меси во јануари 2022 година имаше конфликт со Пике. Тогаш Шпанецот не сакаше да го поддржи Лео да остане во тимот. Подоцна медиумите објавија дека Пике го советувал претседателот на Барселона, Жоан Лапорта да не го продолжува договорот со Меси.
