Данката Викторија Кјаер (21) ја освои титулата Мис Универзум 2024 година, со што на својата земја ѝ ја донесе првата победа на ова натпреварување.
Круната на најубавата жена на светот, со аплауз на другите финалистки, во саботата во Мексико Сити и ја врачи поранешната Мис Универзум Шенис Паласиос од Никарагва на девојка од Данска, пренесува Си-ен-ен.
View this post on Instagram
Повеќе од 120 кандидатки учествуваа на 73. натпреварување за овогодинешната титула Мис Универзум во Мексико Сити.
Повеќе од 120 кандидатки учествуваа на 73. издание на овој избор за најубава жена на светот, меѓу кои и 21-годишната Македонка Теа Ѓоргиевска. За жал, нашата претставничка не успеа да се пласира меѓу 30-те финалистки.
Нова Мис Универзум во своето време обожава да танцува, а кариерно е претприемач и сака да стане адвокат.
View this post on Instagram
За прва придружничка е избрана Чидима Адецина од Нигерија, втора придружничка Марија Фернанда Белтран од Мексико, а во првите пет убавици се пласираа Сушата Чуангсри од Тајланд и Илеана Маркез Педроса од Венецуела.
View this post on Instagram
Педроса (28) влезе во историјата на натпреварот за најубава жена на светот како прва меѓу петте финалистки која е мајка. Имено, долги години имаше забрана да учествуваат трудници, мајки и мажени жени. Забраната беше тргната минатата година, потсетува Си-ен-ен.
View this post on Instagram
За првпат во 72 години, колку што трае конкурсот, оваа година на конкурсот можеа да се пријават кандидати постари од 28 години, па така повеќе од десет финалисти беа постари од претходно дозволеното.
Малтанката Беатрис Нјоја е првата натпреварувачка во нејзините 40-ти што стигнала до големото финале.
