Младата поп пејачка Антониа Гиговска и нејзиниот сопруг и татко на нивното дете Киан, музичарот Роберт Спасенцовски – Џокер пред речиси една година стапија во граѓански брак, а убавата вест тогаш ја споделија со јавноста преку неколку фотографии.
Но, се чини дека ваквата формалност не е доволна за крунисување на љубовта на оваа естрадна двојка, па Антониа и Роберт одлучија денеска да направат голема свадба и да ја потврдат љубовта пред голем број гости.
Свадбената церемонија е во тек, а веќе протекоа првите фотографии од венчавката на среќните младенци.
Антониа изгледа прекрасно во бајковита венчаница, додека Роберт се одлучил за црно палто и панталони во комбинација со бели патики.
Младата брачна двојка одлучила да испочитува и некои обичаи и традиции на овој голем и посебен ден за нив.
