Југословенската пејачка и претставничка на Евровизија (1990), Татјана Камерон, попозната по прекарот Тајчи, поп-ѕвезда од 1990-тите, успешно продаваше албуми низ целиот регион, сега се враќа на музичката сцена.
Со нејзиното заминување во Америка, каде што се омажила и станала мајка, се променила и потоа ја прекинала кариерата, но љубовта кон музиката никогаш не престанала.
Сега пејачката ги изненади своите следбеници на Инстаграм со објавата дека влегла во студио и повторно снима.
„Враќање во студио по долга пауза од снимање… Што е тоа што го правиш едноставно и лесно? А кога го правиш, си велиш: по ѓаволите, јас сум добра во ова! И знаете дека тоа не е ароганција, туку само вистина. Така ми е мене пеењето. Чиста релаксација, проток, леснотија, нешто што го правев (и вежбав) сто илјади часа и во кое станав навистина добра. Опуштањето и учењето нови вештини – како што се предавање медитација и тренинг за добар живот, дефинитивно ми помогна да ги ценам моите „стари“ вештини“, напиша таа под објавата.
View this post on Instagram
