Повеќе од 250.000 домови и бизниси низ Њујорк и Нова Англија се во темница од синоќа.
Соединетите Американски Држави се уште се справуваат со силно невреме кое носи обилни врнежи од дожд во еден дел од земјата, додека жителите во другите делови се справуваат со снежна бура.
We’re with you until 1/12c tonight with the latest on Winter Storm #Sage!
Watch our LIVE coverage: https://t.co/Feaf8zT3Ip pic.twitter.com/Q2Vi13w1Kk
— The Weather Channel (@weatherchannel) March 15, 2023
Стотици летови беа откажани вчера бидејќи зимското невреме предизвика намалена видливост поради снежните виулици и снегот кој наврна повеќе од два метри во некои делови од земјата.
Во меѓувреме, на запад, Калифорнија се соочува со поплави од дожд и топење на снег од изминатите недели. Речиси 27.000 луѓе добија наредба да се евакуираат поради заканата од поплави и лизгање на земјиштето.
Калифорнијците изморени од зимската бура сега се соочуваат со уште еден моќен атмосферски феномен, објави Националната метеоролошка служба на Твитер.
Некои области на Вермонт и Масачусетс веќе имаат над два метри снег од пладнето во вторник. Националната метеоролошка служба ги предупредува жителите на Њујорк и Нова Англија на опасни услови за возење и слаба видливост.
LIVE blog photos: Nor’easter dumps feet of snow in New England, New York
Over 2 feet of snow fell in several areas of Massachusetts and Vermont overnight as the powerful nor’easter moved through the region with heavy snow and flooding rain.https://t.co/IwJesCD7SW pic.twitter.com/Tt2cLFVOWW
— AccuWeather (@accuweather) March 14, 2023
Невремето зафати делови од Нова Англија, Њујорк, Пенсилванија и Њу Џерси, а стотици училишта се затворени.
Силните ветрови и тежината на снегот на гранките на дрвјата може да ги урнат далноводите и да предизвикаат прекини на електричната енергија, предупреди метеоролошката служба. Повеќе од 250.000 домови и бизниси низ Њујорк и Нова Англија беа во темница од синоќа.
Невремето остави повеќе од 350.000 домови и бизниси низ Калифорнија без струја од вторник попладне. Најмногу прекини имаше во западно-централните делови на земјата.
