Пејачката неодамна го роди своето прво дете, на кое е целосно посветена.
Српската јавност наголемо зборува за љубовниот живот на пејачката Милица Тодоровиќ уште откако го роди синот Богдан, кого го доби со оженетиот партнер.
Милица, во првите денови од мајчинството, се огласи и соопшти дека ќе зборува за сè кога ќе дојде време, но дека сега ѝ е неопходен мир за да се посвети на своето бебе.
Пејачката повеќе не е толку активна на социјалните мрежи како пред бременоста, меѓутоа, откако објави фотографија од својот син и својата рака, сега повторно одлучи да сподели трогателна објава со светот.
Таа објави фотографија на една верверичка како бакнува друга, помала, а додаде и емотикон во форма на сино срце, па може да се сфати дека објавата е посветена на неа и нејзиниот син.
Да потсетиме, партнерот на Милица не ѝ е познат на јавноста и не се експонира во медиумите, но по хаосот што настана кога се дозна дека е оженет, сподели цитат на својот профил на Инстаграм што многумина го протолкуваа како коментар за неговата животна ситуација.
– Глувците често зборуваат за лавот. Глувците ги живеат туѓите животи. Но, се без здив од својот страв. Не го сакаат лавот, но му се восхитуваат – напиша тој и предизвика големо внимание, а воедно ова беше и неговото прво огласување.
За потсетување, во медиумите се огласи извесна Љ. М., која тврди дека е законска сопруга на таткото на детето на Милица Тодоровиќ.
