Денес разговараме со Весна Таневска, домаќинка, која веќе шест години активно се занимава со одгледување на цвеќиња.
Весна не е сама во оваа нејзина пасија, вели дека целото семејство се одговрни за уредување на нивниот навистина прекрасен двор и дека сите се активни околу дворот.
Дворот се простира на околу 130 квадрати, се наоѓа во село Јосифово, Валандово.
Меѓу изобилството на раскошни цвеќиња и растенија, во дворот, сепак, доминираат калинката, дуњата, смоквата, сливата, кајсијата, кинеската мушмула, а тука се и борчињата, палмите и секакви видови на сардели.
Ја прашуваме Весна кое ѝ е нејзино омилено цвеќе, а таа низ насмевка ни одговара дека „нема омилено“ и дека сите ѝ се убави на свој посебен начин.
Оваа рајска убавина си бара многу вложена љубов и труд.
– Цвеќињата бараат преку пет до шест часа работа дневно , некогаш и повеќе – искрена е Весна.
За крај, ја прашуваме нашата домаќинка за градинарски совет од неа за оние кои сакаат токму оваа пролет да почнат да се занимаваат со одгледување на цвеќиња, од каде да почнат?
– Секое цвеќе е убаво доколку се одгледува со многу љубов – вели Весна и додава – затоа може било кое цвеќе да се одгледува, дури и за почеток, нека биде по сопствен избор.
Инаку, Весна е членка на Фејсбук групата …ДВОРЧЕТО…, група која ви ја препорачуваме да си станете член и да се изнагледате преубави објави!
УЖИВАЈТЕ ВО ФОТОГАЛЕРИЈАТА, А ФАМИЛИЈА ТАНЕВСКИ ИМ ПОСАКУВААТ МНОГУ СРЕЌА НА НОВИТЕ ПОЧЕТНИЦИ:
ФОТО – ПРИВАТНА АРХИВА
Во дворот на Андријана Савовска, мајка на четири ќерки: Сè што се работи со љубов се враќа со убаво!
