Драган Спасов – Дац, актер кој има остварено бројни и значајни улоги во театарски претстави, филмски и телевизиски проекти. Во неговото семејство се нижи веќе третата генерација актери од неговиот татко Стево Спасовски, преку него и денес неговите синови. Се надеваме дека оваа низа ќе продолжи.
Прекарот Дац потекнува од негова соученичка од основно училиште и од тогаш останале да го користат неговите пријатели, познаници, па дури и јавноста го знае повеќе како Дац отколку како Драган. Неговата мајка го нарекувала Данчо и Драганчо, но не и Дац, изјави во едно интервју актерот.
– Една е мајка, стои во описот на фотографија која актерот ја сподели со својата мајка, истакната поетесата Лидија Лучко Јеремиќ.
Во едно интервју, Дац има изјавено дека неговата мајка е еден од неговите најголеми фанови. Актерот надополни дека е многу приврзан за својата мајка, со која живеел по разводот на неговите родители, а притоа е горд што неговата мајка му е одлична поетеса.
