Горан Бреговиќ и неговата прекрасна сопруга Џенана се венчаа во 1993 година.
Вљубениот пар застана на лудиот камен дури по раѓањето на нивните три ќерки, Брега потоа зачекори во петтата деценија од животот, Џенана беше еден чекор поблиску до истото, но ја испочитуваа целата процедура.
Во свој стил и манир, вљубениот пар го кажа судбоносното „да“, а на фотографијата не ја симнуваат насмевката од лицата. Овој момент го обелодени нивната ќерка која објави фотографија на социјалните мрежи по повод роденденот на својата мајка.
„Среќен роденден на најмоќната жена. Среќен роденден, мамо“, напишала на фотографијата со емотикон на срце.
На Џенана кума ѝ била долгогодишната пријателка и придружен вокал на „Бијело дугме“, Амела Сулејмановиќ, а на Горан – Емир Кустирица.
Според пишувањето на медиумите, Емир и Брега го прекинале контактот и пријателството по некое време.
Неспорно е дека Горан Бреговиќ е магионичар во светот на бизнисот и недвижностите, како и на музичката сцена.
Да не беше така и да не ги користеше мудро заработените пари од музиката, сигурно е дека денес немаше да поседува толку вредни станови на врвни локации во француската престолнина.
Кралот на балканската етно-музика има три компании регистрирани во Париз под интересните имиња „Тетак“, „Тетка“ и „Туке“. Неговите недвижности во Париз се наоѓаат во 10-тиот арондисман, на улици каде што просечен квадратен метар чини помеѓу 12.000 и 15.000 евра.
На адресите во овие две улици, Бреговиќ и неговата сопруга Џенана (родена Суџука) имаат регистрирано три компании, пишува српски „Курир“
.Како што може да се потврди во францускиот регистар, директор на компанијата „Тетка“ е неговата сопруга Џенана, а Бреговиќ и таа се партнери. Почетниот капитал е 1.044.000 евра, а вредноста на недвижниот имот, стан на таа адреса, е вклучена во тој износ. Компанијата е основана на 30 јуни 2017 година, со рок на траење од 99 години. Главната дејност на компанијата е трговија со недвижности.
Во компанијата „Туке“ сопственоста е поделена на пет дела: 20 проценти ги држи Брега преку сараевската компанија „Тетак“, но и три пати по 20 проценти заедно со неговите ќерки Ема, Уна и Лула, која во документацијата е претставена од неговата мајка Џенана. Сопругата на Бреговиќ како физичко лице има само 20 проценти.
Три парцели во Париз се регистрирани преку таа компанија. И во таа компанија, управител е Џенана, а партнери се Горан, таа и нивните три ќерки. Почетниот капитал, кој вклучува и недвижен имот, изнесува 861.000 евра.
Особено е интересно што во францускиот трговски регистар Горан е регистриран како српски државјанин, додека Џенана и нивните ќерки се регистрирани со француско државјанство. Во регистарот е евидентирано и дека двојката се венчала во Амбасадата на Србија и Црна Гора во Париз на 9 септември 1993 година.
