Познатата пејачка и ријалити ѕвезда Зорица Марковиќ не губи време. По излегувањето од „Елита“ и закрепнувањето од здравствените проблеми со срцето, таа реши сама да ги преземе работите во свои раце. На својот Инстаграм профил сподели видео од имотот во Заклопача, каде што се гледа како управува со багер за да помогне во градежните работи.
„Завршуваме со започнатото“, напиша Зорица во описот на видеото, покажувајќи дека енергијата полека ѝ се враќа.
Проблеми со мајсторите и бизнисот
Зорица претходно за медиумите објасни дека изградбата на куќата била стопирана поради нејзиното влегување во ријалити програмата, но и поради големи проблеми со работниците. Таа откри дека променила дури три екипи, едни ги зеле парите и заминале, а други ја завршиле работата катастрофално. Сега, со почетокот на пролетта, пејачката е решена дефинитивно да го заврши објектот.
Поддршка за Зорица Брунцлик
Освен за своите планови, Марковиќ неодамна изрази и голема загриженост за здравствената состојба на нејзината колешка Зорица Брунцлик.
„Се молам на Бога да биде добро. На луѓето им е најлесно да судат и да бројат туѓи пари, а не знаат колку е напорен нашиот деловен живот. Како што вели песната на Зорица: ’Тежок е овој живот‘, ова е леб со седум кори“, изјави Марковиќ.
