Пејачката Нина Бадриќ повторно се најде на мета на онлајн измамници. Овој пат, некој им се јавувал на луѓето со нејзиното име и презиме. Нина објави пример за таков разговор.
„Внимавајте со кого разговарате. Тоа секако не сум јас. Има некои сомнителни луѓе кои дури се претставуваат како мене и ја имаат мојата профилна слика на телефоните. Внимавајте бидејќи бараат секакви работи“, предупреди пејачката.
Ова не е првпат Нина да се сретне со вакви онлајн измамници. Тие и претходно го користеле нејзиното име за разни цели. Тие контактирале со нејзините обожаватели претставувајќи се како Нина Бадриќ и промовирале разни производи под нејзино име.
Во една измама, некој зборуваше за слабеење во име на Нина.
„Здраво драга Нина. Циркулира видео во кое даваш интервју и велиш дека си ослабела со кето прашок. Ако сакаш да ми одговориш, дали тоа видео е монтажа? Затоа што во него ги нарекуваш луѓето што вежбаат идиоти“, ѝ напишала една жена.
Нина одговори: „Верувам дека сте доволно паметни да знаете што се лажни вести. Ако не сте го виделе производот на мојот официјален профил како го промовирам, тогаш претпоставувам дека ви е јасно дека јас не стојам зад него.“
