Пејачката Катарина Каја Остојиќ и нејзиниот сопруг Милош Чујовиќ неодамна биле удрени од автомобил.
Несреќата се случила во Нов Белград, а возилото го управувало лице непознато за јавноста. Тој наводно бил уапсен откако на 17 август годинава, додека возел, ги удрил Каја и Милош, кои оделе по улицата. Ги удрил одзади, нанесувајќи им полесни повреди, а за време на испрашувањето наводно не го признал делото.
Каја кратко се огласи во оваа пригода.
„Вистина е дека инцидентот се случи, но не сакам да ги откривам деталите за случајот бидејќи надлежните органи си ја работат својата работа. Им верувам. Кога ќе имам подетални информации, со задоволство ќе ги споделам со вас. Им верувам на државните органи, тие веднаш пристигнаа на местото на настанот“, изјави Каја за српските медиуми.
