Долго време се шпекулираше дека Марија Шерифовиќ ќе ја промени својата одлука и дека сепак ќе се појави во новата сезона на српското музичко натпреварување „Ѕвездите на Гранд“ како член на жирито.
Меѓутоа, Марија одлучи оваа година да посвети повеќе време на своите приватни обврски, но не престанува да го следи ова музичко натпреварување од топлината на својот дом.
Марија денеска ги изненади сите свои следбеници со нова објава на својот инстаграм-профил. Таа споделила снимка од студиото во Кошутњак, каде што денеска се снима „Ѕвездите на Гранд“.
– Квартална инспекција – напишала Марија во описот на видеото.
Засега не е познато дали дошла во студиото за да ги посети своите колеги или да замени еден од членовите на жирито кој бил спречен да дојде на снимањето. Интересно е што таа го снимила кадарот од позицијата каде што седат членовите на жирито, па затоа постои можност повторно да ја видиме на малите екрани како дел од ова музичко натпреварување.
Да потсетиме, пред почетокот на новата сезона на „Ѕвездите на Гранд“, Марија објави дека повеќе нема да биде дел од ова натпреварување.
– Кукли мои, сигурна сум дека во неколку реченици никако не можам да ги сместам сите емоции што ги чувствувам додека го пишувам ова. По 10 години поминати во жирито на шоуто „Ѕвездите на Гранд“, чувствувам дека дојде моментот да го затворам ова важно поглавје од мојот живот и кариера.
