Роберт Билбилов и Лејла Рамковска се еден од најактуелните парови меѓу познатите личности кај нас. Тие не ја кријат својата љубов од јавноста и неретко споделуваат заеднички фотографии на социјалните мрежи.
Овој пат, Лејла имаше посебен повод да сподели фотографија со саканиот. Имено, Роберт го слави својот 41.роденден, а на социјалните мрежи добива голем број честитки од пријателите и колегите од естрадата.
Но, прва која му честиташе роденден беше токму неговата најсакана, Лејла.
„Среќен роденден љубов“ напиша Лејла на инстаграм приказната покрај фотографијата од нив двајца како гушнати уживаат на плажа.
Инаку, неодамна во интервју за „Слободен печат“, Лејла откри како започнала љубовната приказна со Роберт.
„Кога нешто треба да се случи, се случува во вистински тајминг, но реално, јас го направив првиот чекор и за неговиот роденден му пратив букет цвеќе со мала посвета и оттогаш сме неразделни“, изјави Лејла.
