Британската принцеза од Велс, Кејт Мидлтон, денеска изјави дека добро напредува во превентивната хемотерапија, но се уште не е надвор од животна опасност.
„Добро ми е, но како што знае секој кој оди на хемотерапија, има добри и лоши денови. Во лошите денови се чувствувате слабо, уморно и имате потреба да се одморите. Но, во добрите денови, кога се чувствувате посилни, сакам да го извлечам максимумот од тоа добро чувство“, рече Мидлтон во писмената изјава, пред утрешното прво појавување во јавноста откако објави дека боледува од рак.
Таа изјави и дека нејзината терапија ќе продолжи уште неколку месеци и дека се уште не е надвор од животна опасност, но дека со нетрпение чека да присуствува на роденденската парада на кралот Чарлс Трети.
Princess of Wales reveals emotional update about her ‘good days and bad days’ in cancer fight and releases new photo – as she confirms she WILL be at Trooping the Colour tomorrow in boost to the nation https://t.co/u7s6oPwxso pic.twitter.com/ys4lfNZZdj
— Daily Mail Online (@MailOnline) June 14, 2024
„Учам како да бидам внимателна, особено со несигурностите. Го земам секој ден како што доаѓа, го слушам моето тело и си дозволувам да го одвојам толку потребното време за да заздравам“, рече Кејт.
Писмената изјава беше придружена со нова фотографија на принцезата како стои под дрво на имотот во градот Виндзор, западно од Лондон.
