Српската водителка Јована Јеремиќ многу го нагласува своето образование и често истакнува дека била ученик на генерацијата во основно и во средно училиште.
Но, таа не криела ниту дека, како што вели, ја саботирале школските другари и наставниците.
Таа сега на Инстаграм објави видео од пред 15 години додека била во средно училиште, а тогаш зборувала за литературата.
„Лично мене литературата многу ме интересира, ја обожавам, но повеќе ја сакам граматиката. Но, да не ја обожавав литературата, немаше да се трудам толку многу. Мислам дека литературата е многу важна, таа нè учи да бидеме добри луѓе, да донесуваме одреден став за животот. Литературата нè прави вистински луѓе, да се угледаме на некого. Може да ни покаже што е добро, а што не е. Затоа ја сакам литературата и сите мои другарки и сите во ова одделение. И можам да се пофалам дека нашето одделение е многу добро во тоа и добро соработуваме, добро донесуваме заклучоци и мислам дека ќе бидеме добри луѓе“, зборувала Јована, која тогаш изгледала многу поинаку, па на прв поглед ретко кој би ја препознал.
