Јелена Карлеуша проговори за средбата со Александра Пријовиќ, еве што кажа!
Српската музичка ѕвезда Јелена Карлеуша привлече големо внимание во јавноста со својот осврт за „судирот на титаните“ со колешката Александра Пријовиќ, која предизвика бројни реакции на социјалните мрежи. Имено, откако протекоа ексклузивните папарацо фотографии од нивната средба, Јелена се огласи на Инстаграм со интересни коментари.
Карлеуша истакна дека младата пејачка ѝ пришла со многу почит и ги пофалила нејзините деца, а Прија со својот пристап успеала целосно да ја „разоружа“. Нејзиниот коментар ја изненади јавноста со оглед на тоа што до неодамна колешките не беа во добри односи.
„Прија е исклучително пријатна жена која ми пријде со многу почит, ги пофали моите деца како добро воспитани и неодоливо ме потсети на Јелена Розга, Драгана Мирковиќ и Наташа Беквалац, кои исто така се мега фини во комуникацијата со мене. Што да кажам освен дека ме сакаат тие нежни жени (не знам што гледаат во мене „дивата“ (се смее)) и дека целосно ме разоружуваат со тој „мац, мац“ пристап! Да сум маж ќе ме вртеа околу прстот, ќе им купев по една „Биркин“, а вака ја имаат целата моја поддршка“, напишала Јелена во својата необична објава.
