Српскиот тенисер Новак Ѓоковиќ се пласираше во четвртфиналето на Вимблдон, победувајќи го данскиот тенисер Холгер Руне во понеделникот вечерта. Поддршка на Ноле и овој пат од трибините му пружија сопругата Јелена и нивните деца – Стефан и Тара.
Јелена Ѓоковиќ од самиот почеток го почитува непишаниот кодекс на облекување на Вимблдон, а општо е познато дека ова е најпрестижниот и најстариот тениски турнир со изразена традиција.
Уште од првиот меч на Новак на овогодинешното натпреварување, имавме можност да ја видиме Јелена во елегантни, многу убави изданија, па така беше и на овој натпревар.
View this post on Instagram
Убавата Јелена најчесто е верна на деловната елеганција, па повторно посегнала по тој проверен рецепт, додавајќи му ноншалантен печат со изборот на маицата.
Таа, имено, избрала префинети панталони во боја на шампањ и многу модернo краткo палто од твид, а овие две парчиња ги искомбинирала со обична памучна маица во бела боја, која внела малку лежерност во целиот стајлинг.
„Ѕвезда“ на стајлингот секако е палтото во црна боја со златни копчиња што го носи Јелена, а станува збор за тренди парче кое оваа пролет беше вистински хит. Палтата од твид се елегантни и женствени, лесно се вклопуваат и се носат во многу прилики – од утро до вечер. Инаку, ова парче го обожаваат и шпанската кралица Летиција и сопругата на Емануел Макрон, Брижит Макрон.
Ефективните златни обетки ја заокружиле оваа модна приказна, а Јелена се одлучила за нежна, дискретна шминка и едноставна фризура.
View this post on Instagram
