Мина Јоксимовиќ, ќерката на српскиот пејач Жељко Јоксимовиќ покажа на Инстаграм како се дотерала за дружбата со својот славен татко.
Имено, Мина моментално ужива на море, а нејзиниот розов фустан со ресни ги воодушеви сите. Таа позираше нашминкана и во розов летен фустан, кој имаше длабоко деколте, а целата комбинација ја надополни со цвет во косата.
„Излегување со тато“ – напиша Мина и ги сподели фотографиите од морето, како и десертот со кој се почести.
Фотографиите предизвикаа бројни реакции и многумина ѝ искоментираа дека фустанот совршено ѝ стои со кој ја истакнува нејзината убавина.
Да потсетиме Мина еднаш откри детали за односот со Жељко и растењето.
– Пораснав како сите други деца. Иако бев свесна за популарноста и големиот успех на мојот татко, никогаш не се сметав за посебна или различна поради тоа. Тато секогаш беше тука за мене во текот на моето растење и се обидуваше правилно да ме води, и во животот и во бизнисот.
