Познатата пејачка Кристина Агилера повторно е во центарот на вниманието и тоа со стил. Таа ги изненади обожавателите со несекојдневни фотографии од Модната недела во Париз, каде што позираше топлес, покривајќи ги градите само со рацете.
45-годишната Кристина изгледаше неверојатно, a според фановите, на фотографиите таа изгледа како да е 20 години помлада. Фотографиите ги сподели на Инстаграм, а коментарите за нејзината трансформација и самодоверба не престануваат.
Пејачката позираше во луксузен хотел во Париз, облечена само во тул-ѕвончесто здолниште, со пуштена руса коса и заводлива шминка со „зачадени“ очи и неутрална боја на кармин. Стајлингот го надополни со впечатлив накит кој дополнително го нагласи гламурот.
Фановите не штедеа комплименти:
„Таа е моментот!“, „Кристина, ова е лудо – каква трансформација!“, „Најубавата жена на светот“, „Изгледаш 20 години помладо“.
Очигледно Кристина Агилера знае како да доминира, без разлика на годините, таа и овој пат изгледаше совршено.
