Најмладата ќерка на Анабела Атијас, Бланкица, го слави својот 12-ти роденден. По тој повод, познатата мајка се огласи на социјалните мрежи, и ѝ упати најубави зборови.
– Дванаесет години, ова мало девојче ни ги разубавува животите. Толку единствена, слободна, забавна, различна, нескротлива, весела, прекрасна, полна со љубов… Мило мое, за мене е сè уште мала, те родив токму таква каква што си и никогаш не дозволувај никој да промени ништо на тебе. Токму таква каква што си, совршена за овој свет, твоето присуство е светло, твојата енергија сјае. Лудо и неизмерно си сакана… Среќен роденден, убавице, само храбро чекори напред, а ние ќе те поддржуваме – истакна пејачката.
Луна Ѓогани, исто така, не пропушти да испрати честитка за роденденот на Бланкица преку интернет.
– Среќен роденден на мојата убавица. Како да се роди вчера, бев толку среќна што добив уште едно богатство, сестра. Да си жива, здрава и своја. „Те сакам“, напиша Луна.
