Емина Јаховиќ на исто место со нејзиниот бивш Мустафа: Пејачката во бел фустан близок до телото, преполна со среќа
Пејачката Емина Јаховиќ сподели убава вест со своите следбеници на социјалните мрежи, славејќи важен момент во животот на својот помлад син Јавуз.
Синот Јавуз кој го доби во бракот со турската музичка ѕвезда Мустафа Сандал успешно матурирал и завршил основно училиште во Турција. Емина не ја криела радоста и гордоста по овој повод, па се огласила на Инстаграм каде што објавила заеднички фотографии со синот.
За таа пригода, гордата мајка блескала во елегантен бел фустан што го оцртувал нејзиното вито тело, додека изгледот го надополнила со темни очила за сонце. Нејзината широка насмевка што не ја симнувала од лицето јасно покажала колку е среќна.
View this post on Instagram
Заедно со емотивните фотографии, Емина упатила и трогателна порака до својот помлад син: „Среќна матура, љубов моја. Денеска славиш пресвртница, а јас го славам неверојатното момче што си. Најдоброто допрва доаѓа. Многу сум горда на тебе Јавуз“, напишала Емина.
Мустафа Сандал, поранешниот сопруг на Емина, исто така бил на матурата и не ја криел својата гордост поради наследникот. Откако Јавуз ја примил дипломата, се фрлил во прегратката на татка си.
– Ја дочекав и матурата на мојот Јавуз! Сине мој мил – напишал Мустафа и споделил снимки на Инстаграм.
