Поранешниот српски фудбалер Душко Тошиќ откако се пензионираше често патува низ светот поради деловни работи, а сега ја напушти Србија поради својата најголема љубов.
Имено, тој отпатува во Италија, поточно во Милано, и тоа поради Црвена звезда, клуб кој го обожава и за кој страсно навива.
Тошиќ се огласил од Милано доцна синоќа и со своите следбеници споделил фотографија од една од најубавите знаменитости во италијанскиот град, но во исто време и покажал дека вечерва ќе ја бодри Звезда од трибините.
Инаку, Душко веќе во два наврати го носеше дресот на Звезда, а љубовта кон клубот ѝ ја пренесе на помалата ќерка Ника, која тренираше фудбал во Црвена звезда.
Тој играше за Црвена звезда од 2010 до 2012 година, направи мала пауза играјќи за Бетис како позајмен.
Да потсетиме, фудбалерите на Црвена звезда од 21 часот ќе ѝ гостуваат на екипата на Интер, во второто коло од лигашката фаза на Лигата на шампионите.
