Јелена Розга, музичката икона и омилена ѕвезда на овие простори, ја разбранува јавноста со најавата за уште еден музички спектакл во српската престолнина.
Откако во рекордно време ги распродаде претходните пет концерти, популарната сплиќанка го закажа и шестиот концерт во Сава Центар, кој ќе се одржи на 29 декември во организација на „Скај мјузик“!
Новиот датум беше објавен само две недели по објавувањето на петтиот Сава центар, а судејќи по реакцијата на публиката и огромниот интерес, нема дилема дека и ова шоу брзо ќе се распродаде.
Серијата концерти во српската престолнина ја зацврсти Розга на врвот на регионалната музичка сцена, а нејзините настапи се секако еден од „задолжителните“ настани оваа сезона.
