Драгана Мирковиќ од неодамна е во Дубаи со семејството и пријателите, а на социјалните мрежи покажа многу моменти од атракциите што ги посетува. Имено, таа го дочека и 57. роденден во посебен амбиент, а сето тоа го сподели со своите следбеници.
„Мојот најдобар роденден започна со појадок и капучино од 24-каратно злато“, напиша таа во описот на една објава, а сега покажа дека една ноќ спиела во шатор среде пустина.
Таа го покажа скромниот кревет и околината, а судејќи по нејзината насмевка, сè беше совршено за неа. Драгана во еден момент дури почнала да игра стомачен танц понесена од одличната атмосфера.
Инаку, друштво и прави и нејзината ќерка Мануела, а фотографии од Дубаи со својата девојка сподели и синот на Драгана, Марко Бијелиќ, покажувајќи дека е среќно заљубен.
