Во замокот на Драгана Мирковиќ во Виена се слават католичкиот и православниот Божиќ, а во оваа прилика се собира семејството.
Српската музичка ѕвезда покажа дека е подготвена за божиќните и новогодишните празници. Таа на својот Инстаграм сподели фотографија од накитената новогодишна елка на која преовладуваат црвено-белите украси. На врвот од елката, висока до таванот, поставила црвена панделка, кој годинава ја замени традиционалната ѕвезда.
Инаку, во домот на пејачката ден претходно имало свечена вечера, а атмосферата ја покажа нејзиниот син Марко, кој објави фотографија со девојката која му седи во скут покрај празничната трпеза, која била свечено поставена. Сите забележаа дека чиниите и чашите имаат новогодишни мотиви.
Инаку, пејачката овој замок од 12.000 квадратни метри го купила во 2010 година, во него инвестирала изминативе 14 години, а ќе продолжи да го прави и во иднина бидејќи, како што вели има големи планови.
Замокот има своја капела и била единствената, освен ѕидовите околу долните прозорци, која била добро сочувана. Околу олтарот има скулптури, едната со клуч, кој претставува богатство, а другата со меч, кој претставува оружје.
